Betiko moduan, maiatzean eta ekainean Zurriola Antzerki-Eskolakoek urteko lana aurkeztuko dugu. 27 talde, 27 antzerki-lan desberdin, 45 saio, eta antzezleak … 200 baino gehiago! Ilusio handiarekin egiten ditugu saio guztiak. Gehienetan une gozoa izaten da ikuslearentzat. Beraz, badakizue…nahi duena etor daiteke ikustera, antzerkizale guztiak inbitatuta zaudete!  😉

Saio gehienak Zurriola ikastolako edifizio nagusian izango dira, baina zazpi saio Donostiako 22. Gazteen Antzerki-Topaketen barruan eskaintzen direnez Egiako Gasteszena-n, Antiguako Lugaritz-en edo Alde Zaharreko Antzoki Zaharrean izango dira.

Ikastolako emanaldi gehien-gehienak arratsaldeko 7etan izango dira. Salbuespenak: larunbatekoak 6etan izango dira, eta gazteen taldeko saio pare bat ostiralean 22:00tan izango dira. Ikastolako saio guztietan sarrera DOANIK izango da. Antzezlan bakoitzeko taldekideen adina "asmatu" dezakezue beheko egutegian azaltzen diren datuekin: LH (Lehen Hezkuntza),  DBH, GAZTE taldeak edo Talde AMATEURRA

Klikatu hemen eta Google-egutegia ikusi ahal izango duzu asteko edo hileko formatuan. Bestela, ikus zerrenda hau:

Urtero bezala aurten ere badatoz Donostiako Gazteen Antzerki-Topaketak. Maiatzaren 10.etik uztailaren 30era bitarte izango dira Egiako Gasteszena-n, Antiguako Lugaritz-en edo Alde Zaharreko Antzoki Zaharrean. Donostiako inguruko antzerkizale gazteen erakuslehioa dira topaketa hauek.

 
Zurriola Antzerki-Eskolakook zazpi antzezlan egingo ditugu horren barruan: 1) LISISTRATA, 2) ALIZIA BITXIKERIAREN MUNDUAN, 3) JUNO, 4) 110 STREETEKO GELTOKIA, 5) BERNARDA ALBAREN ETXEA, 6) GONATAN ETA ERO MODUAN, eta 7) SHAKESPEARE OSOA EDO IA

Hemen daukagu  topaketa hauen egutegi osoa irudi gisa:

William Shakespeare dramaturgoa, poeta, aktorea eta filosofoa izan zen. Gizon handi horren sorkuntza-gaitasunak eta literatur kalitate izugarriak itzelezko eragina izan dute mundu osoan kulturan. Oraingoan, bere obra osoa modu dibertigarrian ezagutzeko aukera izango duzue. Beno osoa… "gutxi gora behera".

• Osteguna, ekainaren 17, 20:00 Antzoki Zaharrean

Billy Wilder handiaren maisu-lana ikusteko aukera ezin hobea eskaintzen digute Zurriola Antzerki-Eskolako gazteek. 1920.eko hamarkadan egokitutako istorio honetan Joe eta Jerry mutil musikariek, Chicago-ko mafiatik ihes egin beharko dute hilketa bat ikusi ondoren eta horretarako, emakumeen musika-banda batean egin beharko dute lan. Emakumeentzat bakarrik den musika banda batean!

_______________________________________________________________________

• Asteazkena, ekainaren 16, 20:00 Antzoki Zaharrean

Ikus wikipedian: “Some like it Hot“, Billy Wilder, “Con faldas y a lo loco”

Bagenekien ez zela erraza izango, eta olatu handitan sartzen ginela, baina merezi izan du. Eta estreinaldira hurbiltzen bazarete, ez zaretela damutuko ziur gaude. Gainera Fernando Mendizabal, "Bernarda" euskaratu zuen lagunari, hau gutxienez zor zitzaion.

• Asteazkena, ekainaren 9, 20:00 Antiguako Lugaritz-en)
• Ostirala, ekainaren 11, 22:00 Zurriola ikastolan

Ikusi Bernarda Albaren etxea antzezlanaren sarrera wikipedian

New Yorken bizi den euskaldun baten arazoak kontatzen zaizkigu antzezlan honetan: Joseba estatu espainolaren ihesi zebilenez ez du paperik eta lantokiko nagusiak aprobetxatu egin nahiko du, Joseba droga trafikoan sartu eta beste "zerbitzu" batzuk ere lortzeko.
Bestetik Angie, publizitatean lan egiten duen neska xarmagarria agertuko zaigu. Bi pertsonaia horien bizitza paraleloak 110. streeteko afitxa batek elkartuko ditu, modu bitxi batez.

• Astelehena, maiatzaren 31, 12:00, Antiguako Lugaritz-en)
• Ostirala, ekainaren 11, 19:00, Zurriola ikastolan

Iñaki Zabaleta-k idatzi zuen izen bera duen liburua.

Zer gertatuko litzateke 15 urteko neska bat haurdun geratuko balitz? Gurasoek zer pentsatuko lukete? Eta ikaskideek? Abortatu edo haurra izan eta zaindu beharko luke? Juno filmean oinarrituta dagoen antzezlan honetan ustekabean haurdun geratuko den nerabe baten istorioa kontatzen da, Junoren istorioa.

• Osteguna, maiatzaren 27,  12:00, Antiguako Lugaritz-en)
• Ostirala, ekainaren 4, 19:00, Zurriola ikastolan (Hurra, Indiano enea kalea)

Aliziak, zelaian deskantsuan dagoela, untxi hizlari batekin egingo du topo. Untxia berandu dabilela esan eta gordeleku batean sartuko da. Alizia, jakin minak jota, gordelekuan barrena sartuko da untxiaren atzetik. Bertan, mundu harrigarri bat aurkitu eta abentura zirraragarriak biziko ditu.

• Asteartea, maiatzaren 25 12:00 – 1:00, DBH4 A, Antiguako Lugaritz-en
• Ostirala, maiatzaren 28: DBH4 A, 19:00. Zurriola ikastolan (Hurra, Indiano enea kalea)

Ikus hemen Lewis Carroll-en Aliceren abenturak Lurralde Miresgarrian wikipedian

Atenasko Lisistrata emakumeak, gizonek gerrekin Greziara etsipena besterik ez dutela ekartzen ikusirik, beste emakumeekin bildu eta gerrek irauten duten bitartean ez dutela haien senarrekin harreman sexualik izan behar konbentzitzen ditu. Gainera Akropolisa okupatu eta Estatuaren altxorra giltzapean jartzen du.

• Osteguna, maiatzaren 13, 20:00, Egiako Gasteszena-n
• Ostirala, maiatzaren 21, 22:00, Zurriola ikastolan (Hurra, Indiano enea kalea)

Ikus Aristofanes-en Lisístrata antzezlana wikipedian.